Чатыры залатыя медалі заваявалі студэнты БДУ на міжнароднай матэматычнай алімпіядзе
 | 02 жніўня 2010 |  | |
|
Чатыры залатыя медалі заваявалі ў асабістым заліку студэнты факультэта прыкладной
матэматыкі і інфарматыкі Беларускага дзяржаўнага ўніверсітэта на XVII Міжнароднай
студэнцкай матэматычнай алімпіядзе (IMC). Яна прайшла з 24 па 30 ліпеня ў балгарскім
горадзе Благоеўград. Аб гэтым паведамілі карэспандэнту БЕЛТА ў прэс-службе ВНУ.
Самых высокіх узнагарод спаборніцтваў разумнікў і разумніц удастоены Руслан Максімаў
(5-ы курс), Дзяніс Пірштук (3-і курс), Міхаіл Глушчанка (3-і курс) і Арцём Говараў
(2-і курс).
Усяго ў алімпіядзе прынялі ўдзел амаль 400 студэнтаў, якія прадстаўлялі каманды
больш як 70 універсітэтаў звыш 30 краін, у тым ліку Расіі, Украіны, Ірана, Бразіліі.
Каманда БДУ прыняла ўдзел у такіх спаборніцтвах дзясяты раз. За гэты час студэнты-матэматыкі
БДУ ў асабістым першынстве заваявалі ўвогуле 36 залатых, 22 сярэбраныя і 5 бронзавых
медалёў. Два разы (у 2003 і 2005 гадах) каманда БДУ займала першае месца ў агульнакамандным
заліку.
|
| Все новости |
