Ад кіраўнікоў усіх узроўняў прэзідэнт патрабуе прынцыповасці, сумленнасці, шчырасці і недапушчальнасці супрацьпраўных дзеянняў

Прэзідэнт Беларусі Аляксандр Лукашэнка ў аўторак прыняў шэраг кадравых рашэнняў.

Так, кіраўнік дзяржавы даў згоду на назначэнне Ірыны Старавойтавай першым намеснікам міністра адукацыі.

Ірына Старавойтава з’яўляецца старшынёй Пастаяннай камісіі Савета Рэспублікі Нацыянальнага сходу па адукацыі, навуцы, культуры і сацыяльным развіцці.

Прэзідэнт таксама ўзгадніў назначэнне Ігара Бузоўскага намеснікам міністра інфармацыі.

Акрамя таго, Аляксандр Лукашэнка ўзгадніў назначэнне Генадзя Трубілы першым намеснікам міністра жыллёва-камунальнай гаспадаркі, Віталя Смірнова — намеснікам міністра ЖКГ. Мікалай Рагашчук узгоднены на пасаду намесніка старшыні Мінскага аблвыканкама. Прэзідэнт даў згоду на прызначэнне шэрага старшынь райвыканкамаў.

Аляксандр Лукашэнка таксама назначыў Аляксандра Гучка старшынёй Вышэйшай атэстацыйнай камісіі. Да гэтага часу ён займаў пасаду намесніка старшыні ВАК.

“Вы, напэўна, ведаеце мае патрабаванні да вас. Гэта, можна сказаць, асаблівае падраздзяленне, непасрэдна падпарадкаванае прэзідэнту. І, напэўна, ведаеце перадгісторыю і гісторыю гэтага падпарадкавання непасрэдна прэзідэнту. Магу нагадаць: мяне насцярожылі падзеі ў Расіі, якія прадаўжаюцца да гэтага часу, калі за нейкія $3 тысячы або $5 тысяч можна было кандыдацкую купіць, а доктарскую — за $10 тысяч. Табе напішуць, за руку завядуць, куды трэба, і ты атрымаеш ступень”, — сказаў кіраўнік дзяржавы.

“Мяне гэта не проста насцярожыла ў свой час, а спалохала. Таму, ведаючы, што вучоныя, навука — гэта будучыня нашай краіны, ды і сучаснасць… Навука — гэта вельмі важная сфера. І каб туды не трапілі выпадковыя, я заўсёды пад асаблівым кантролем трымаў гэты напрамак. І, зразумела, зыходзячы з гэтага падбіраў кіраўнікоў. Я хачу, каб вы гэта разумелі”, — заявіў прэзідэнт.

Аляксандр Лукашэнка запатрабаваў ад новага кіраўніка ВАК сур’ёзнага і прынцыповага стаўлення: “Хацелася б, каб вы як сапраўдны вучоны адпаведныя патрабаванні прад’яўлялі і да тых, хто будзе імкнуцца стаць вучоным. І падказвалі своечасова і мне, і кіраўніку Адміністрацыі тыя напрамкі, на якія мы павінны неадкладна звярнуць увагу”.

Назначаючы новага старшыню Вышэйшай атэстацыйнай камісіі, прэзідэнт сказаў: “Вы ведаеце, чым займацца і як. Прынцыповасць, сумленнасць, шчырасць. І недапушчальнасць разнастайных супрацьпраўных дзеянняў. Не дай бог карупцыя або яшчэ што-небудзь! На злобу дня — вы бачыце, што адбываецца ў краіне. Літасці ў гэтым нікому не будзе. Гэта тычыцца ўсяго кіраўніцка складу”.

Кіраўнік дзяржавы пры ўзгадненні назначэння новых старшынь Бялыніцкага і Круглянскага райвыканкамаў даў высокую ацэнку патэнцыялу гэтых раёнаў, у першую чаргу з пункту гледжання сельскай гаспадаркі. “Глебы добрыя. Я паглядзеў увесь усход Беларусі за гэтыя выхадныя. Дай бог, каб па ўсёй краіне такое было. Гэта нават неяк мне настрой узняло, таму што я быў у такім прыгнечаным стане пасля гэтай гарачыні, я бачыў нават тут, у цэнтры, колькі шкоды на лёгкіх глебах прынесла засуха, ужо не кажучы пра асобныя рэгіёны Гомельскай, Брэсцкай абласцей”, — сказаў кіраўнік дзяржавы.

“Але гэтыя дажджы крыху выправілі сітуацыю, а ў вас там наогул пасевы вельмі добрыя. Трэба сур’ёзна рыхтавацца, каб іх убраць, таму што карміць будзеце ўсю краіну. Калі такое было, каб поўнач і паўночны ўсход забяспечвалі Беларусь? Ну і яшчэ поўнач Мінскай вобласці. Таму трэба звярнуць асаблівую ўвагу і падрыхтавацца да ўборкі”, — даручыў Аляксандр Лукашэнка.

Гаворачы ў цэлым аб перспектывах аграрнай галіны, кіраўнік дзяржавы нагадаў, што адпаведныя пытанні абмяркоўваліся нядаўна на прыкладзе холдынга -“Купалаўскае”, што ствараецца ў Шклоўскім раёне. “Размаўлялі пра тое, што нам трэба ў перспектыве зрабіць, якія крокі прыняць па рэфармаванні, завяршэнні мадэрнізацыі сельскай гаспадаркі. Настаў такі перыяд, калі трэба нешта рабіць новае ў сельскай гаспадарцы — паказаць прыклад, куды будзем рухацца”, — адзначыў ён.

Прэзідэнт таксама чарговы раз нагадаў аб важнасці правільнай работы з кадрамі, падтрымання вытворчай дысцыпліны. “Тым, хто хоча працаваць, трэба забяспечыць усё, каб яны маглі працаваць. Не трэба баяцца, што ў нас не хапае кадраў. Неабходна арганізаваць гэтыя кадры. Калі раней трэба было 10 збожжаўборачных камбайнаў, то сёння адзін камбайн з добрым механізатарам заменіць гэтыя 10, а тое і 12. Таму не трэба столькі і механізатараў, і даярак. Толькі неабходна арганізаваць справу і мець добрых спецыя-лістаў”, — лічыць беларускі лідар.

“Парадак і тэхналагічная дысцыпліна, як і вытворчая дысцыпліна наогул, — гэта пытанні нумар адзін. Стаўцеся вельмі строга да гэтых праблем. І не глядзіце па баках. Вы адказваеце за канкрэтную тэрыторыю. І там з вас запатрабуюць. У вас там няма ні прыватных, ні дзяржаўных прадпрыемстваў — там ёсць кіраўнікі і людзі, якім трэба забяспечыць іх галоўныя правы — на працу, зарплату, жыццё, ахову здароўя, адукацыю і г.д.”, — падкрэсліў Аляксандр Лукашэнка.

Кіраўнік дзяржавы ўзгадніў назначэнне Мікалая Рагашчука, які да гэтага часу займаў пасаду старшыні камітэта эканомікі Мінскага гарвыканкама, на пасаду намесніка старшыні Мінскага аблвыканкама.

“З Мінскага гарвыканкама — на аблвыканкам. Не насцярожвае?” — задаў пытанне кіраўнік дзяржавы.

Кіраўнік Адміністрацыі прэзідэнта Наталля Качанава адказала, што адпаведныя пытанні абмяркоўваліся з Мікалаем Рагашчуком. “Ён чалавек, які працаваў у рэгіёне. Ведае сістэму работы ў рэгіёнах. І ён з задавальненнем прыняў прапанову”, — сказала яна.

“А чым займаліся ў рэгіёнах?” — пацікавіўся прэзідэнт.

“Я працаваў дзевяць з паловай гадоў у Брэсцкім аблвыканкаме ў фондзе дзяржмаёмасці (фонд “Брэстаблмаёмасць”. — Заўв.БелТА.), ад першага спецыяліста да першага намесніка дырэктара вырас там. Цесна працавалі і з камітэтам эканомікі, і з камітэтам па сельскай гаспадарцы. А ў 2013 годзе пераехаў у Мінск: запрасілі таксама ў фонд дзяржмаёмасці, а потым — у камітэт эканомікі. Можна сказаць, што разумею спецыфіку і розніцу”, — расказаў Мікалай Рагашчук.

Наталля Качанава таксама адзначыла, што на новую пасаду Мікалая Рагашчука запрасіў старшыня Мінаблвыканкама Анатоль Ісачанка: “Гэта яго прапанова. Ён яго запрасіў і размаўляў з М.Рагашчуком. І зрабіў выснову, што ён якраз гатовы ўзначаліць эканамічны напрамак у аблвыканкаме”.

Аляксандр Лукашэнка ў сувязі з гэтым пацікавіўся, ці ёсць дастойная кандыдатура для таго, каб замяніць Мікалая Рагашчука на былой пасадзе. “Глядзіце, каб быў перспектыўны і моцны чалавек, таму што, скажу вам адкрыта, да гарвыканкама ў мяне пакуль шмат пытанняў”, — сказаў прэзідэнт.