Ад прафесіяналізму журналістаў залежыць прафесійная рэпутацыя

Міжнароднае супрацоўніцтва інфармагенцтваў ва ўмовах сучасных выклікаў павінна ўмацоўвацца. Такое меркаванне выказаў першы намеснік генеральнага дырэктара ТАСС Міхаіл Гусман, які прыняў удзел у рабоце ХХIV пасяджэння Савета кіраўнікоў дзяржаўных інфармацыйных агенцтваў СНД (Інфармсавета СНД) у Мінску.

Міністэрства працы і сацыяльнай абароны насельніцтва Казахстана прапануе ўвесці спецыяльны падатковы рэжым для нефармальна занятых.

“Для спрашчэння рэгістрацыі і легалізацыі дзейнасці нефармальна занятых прапануецца ўвесці спецыяльны падатковы рэжым — адзіны сукупны плацёж (АСП)”, — паведаміла міністр працы і сацыяльнай абароны насельніцтва Рэспублікі Казахстан Мадзіна Абылкасымава на пасяджэнні ўрада.

АСП будзе аб’ядноўваць чатыры плацяжы — індывідуальны падаходны падатак, абавязковыя пенсійныя ўзносы, узносы ў фонды медыцынскага і сацыяльнага страхавання. Выплата АСП будзе азначаць аўтаматычную рэгістрацыю дзейнасці і ўдзел у сістэме медыцынскага і сацыяльнага страхавання, пенсійнага забеспячэння. АСП прызначаны для асноўных катэгорый самазанятасці, да якіх будуць аднесены фізічныя асобы, што не выкарыстоўваюць працу наёмных работнікаў, аказваюць паслугі фізічным асобам, не маюць стацыянарнага месца на тэрыторыі гандлёвых аб’ектаў і рынкаў, заняты ў асабістай падсобнай гаспадарцы.

“Сутнасць новага рэжыму заключаецца ў невялікай суме падатку, адзіным плацяжы, які ўключае падатак і сацыяльныя плацяжы, у адсутнасці падатковай справаздачнасці, падатковых праверак і адміністрацыйных спагнанняў”, — дадаў міністр нацыянальнай эканомікі Казахстана Цімур Сулейменаў.

Дырэктар цэнтра прыкладных даследаванняў “Талап” Рахім Ашакбаеў адзначыў, што АСП будзе стымуляваць работнікаў і работадаўцаў фармалізаваць свае працоўныя адносіны і выйсці з ценю. Паводле яго слоў, доля самазанятага насельніцтва ў Казахстане вялікая — яна перасягае 2 млн чалавек.