У Беларусі за мінулыя 20 гадоў выбарчая сістэма эвалюцыяніравала ад самадзейнай да прафесійнай. Такое меркаванне выказала старшыня Цэнтрвыбаркама Лідзія Ярмошына.
Лідзія Ярмошына адзначыла, што першыя прэзідэнцкія выбары ў краіне па арганізацыі больш нагадвалі самадзейнасць мас. “З вялікім, вядома, парывам, з верай у будучыню, з жаданнем адмовіцца цалкам ад старога свету, — заўважыла старшыня ЦВК. — Гэтага настрою цяпер, дзякуй богу, у грамадстве няма. Грамадства ганарыцца тым, што яно набыло за гэтыя 20 гадоў, імкнецца захаваць і прымножыць. Усё гэта вызначае настрой выбараў, ды і выбары праходзяць прафесійна ўжо”.
“Раней, у 1994 годзе, усё даводзілася пісаць практычна на калене. Ніхто не ведаў, як дэбаты павінны праходзіць на тэлебачанні, якім чынам арганізаваць перадвыбарнае выступленне, як подпісы правільна праверыць. Гэтаму ўсяму вучыліся і арганізатары выбараў, і журналісты”, — сказала Лідзія Ярмошына.
“Мы, вядома, прайшлі вельмі вялікі шлях, хоць і страцілі ў пэўным плане тую рамантычную непасрэднасць, якая панавала ў грамадстве. Аднак любая сталасць у грамадстве вядзе, цалкам магчыма, да больш сталага парадку — менш вясёлага, але больш прафесійнага”, — рэзюмавала яна.
