Алімпійская вёска прымае жыхароў

Цырымонія адкрыцця Алімпійскай вёскі, у якой будуць пражываць члены дэлегацый каманд — удзельніц Гульняў-2018, адбылася 1 лютага ў Пхёнчхане, паведамляе ТАСС.

Алімпійская вёска падзелена на два кластары. Першы, размешчаны ў гарах, прыме 3500 чалавек: гарналыжнікаў, біятланістаў, бабслеістаў, саначнікаў, скелетаністаў, снаўбардыстаў, фрыстайлістаў і лыжнікаў. Другі, умяшчальнасцю 2700 чалавек, знаходзіцца на ўзбярэжжы і прызначаны для хакеістаў, фігурыстаў, кёрлінгістаў, канькабежцаў і шорт-трэкістаў.

У афіцыйнай цырымоніі адкрыцця вёскі прынялі ўдзел кіраўнік аргкамітэта Гульняў-2018 Лі Хі Бом і прэзідэнт Нацыянальнага алімпійскага камітэта Рэспублікі Карэя Лі Кі Хын. Над Алімпійскай вёскай былі падняты сцягі ўсіх краін — удзельніц Гульняў, у тым ліку КНДР.

Алімпійскія гульні пройдуць у Пхёнчхане з 9 па 25 лютага.