Будзе створаны Вышэйшы антыкарупцыйны суд

- 12:12Інфармацыйная гадзіна

Прэзідэнт Украіны Пётр Парашэнка падпісаў Закон аб Вышэйшым антыкарупцыйным судзе ў час сустрэчы са слухачамі Украінскай акадэміі лідарства.

Вярхоўная Рада Украіны 7 чэрвеня прыняла законапраект аб антыкарупцыйным судзе, згодна з якім Вышэйшы антыкарупцыйны суд (ВАС) будзе ажыццяўляць правасуддзе ў якасці суда першай і апеляцыйнай інстанцыі па крымінальных справах аб злачынствах, аднесеных да яго юрысдыкцыі (падсуднасці), а таксама шляхам судовага кантролю за захаваннем правоў, свабод і інтарэсаў асоб пры вядзенні такіх крымінальных спраў.

За прэзідэнцкі законапраект аб антыкарупцыйным судзе Вярхоўная Рада прагаласавала ў першым чытанні яшчэ 1 сакавіка. Аднак у МВФ, Сусветным банку і Еўрасаюзе заявілі, што законапраект парушае абавязацельствы Украіны і не адпавядае патрабаванням Венецыянскай камісіі.

Прыняцце закона з’яўляецца адным з патрабаванняў для прадастаўлення Украіне чарговага траншу МВФ. Фонд на кансультацыях па ўзгадненні палажэнняў законапраекта настойваў на “вырашальным уплыве” на адбор кандыдатаў у суддзі грамадскага савета міжнародных экспертаў.