Эўрыстычная праграма для творчага навучання

Сучаснаму грамадству патрэбен выпускнік, які не проста валодае пэўнай сумай ведаў, а здольны творча падыходзіць да вырашэння розных адукацыйных, прафесійных і жыццёвых задач. Працуючы ў гімназіі, добра разумею, што адным з асноўных кірункаў педагагічнай дзейнасці з’яўляецца работа з высокаматываванымі і адоранымі вучнямі. Аналізуючы вынікі ўдзелу гімназістаў у рэспубліканскай алімпіядзе па вучэбных прадметах, творчых конкурсах і інтэлектуальных турнірах, мы з калегамі прыйшлі да высновы, што гэтая праблема патрабуе сур’ёзнага вывучэння і распрацоўкі канкрэтнай праграмы.