Сярод ініцыятыў, прадстаўленых на VI адкрытым конкурсе «Інфарматыка без разеткі» сярод устаноў дашкольнай адукацыі, былі мультыплікацыйныя студыі, навучальныя трэнажоры, робататэхнічныя комплексы, прадэманстраваны вопыт па асваенні найпрасцейшых навыкаў праграмавання. Падрабязнасці — у матэрыяле карэспандэнта «Настаўніцкай газеты».
Як расказаў намеснік начальніка сакратарыята Назіральнага савета ПВТ Аляксандр Марцінкевіч, у адборачным этапе спаборніцтваў прынялі ўдзел 295 устаноў са 103 населеных пунктаў, якія прадставілі 468 работ. У фінале, які праходзіў на базе Гомельскага абласнога ІРА, свае праекты абаранялі 34 канкурсанты, 21 з іх — з Гомельскай вобласці.
Пераможцы выпрабаванняў у намінацыях:
«Рыхтуемся да школы»
1-е месца — спецыяльны дзіцячы сад № 30 Мазыра;
2-е месца — дзіцячы сад № 32 Гомеля;
3-е месца — дзіцячы сад № 40 Мазыра.
«Дзень нараджэння Ката Алесіка»
1-е месца — дзіцячы сад № 2 Касцюковіч;
2-е месца — ДЦРД № 1 Магілёва;
3-е месца — дзіцячы сад № 111 Віцебска «Буслік».
«Творчая майстэрня»
1-е месца — дзіцячы сад в.Чарнаўчыцы;
2-е месца — дзіцячы сад № 143 Гомеля;
3-е месца — дзіцячы сад № 9 Ліды.
«Лабараторыя адкрыццяў»
1-е месца — дзіцячы сад № 40 Мазыра;
2-е месца — дзіцячы сад № 5 Салігорска;
3-е месца — дзіцячы сад № 15 Жлобіна.
Конкурс арганізаваны Паркам высокіх тэхналогій сумесна з Міністэрствам адукацыі. Яго мэта — абагульненне і папулярызацыя лепшых практык арганізацыі адукацыйнага працэсу па навучанні старэйшых дашкольнікаў асновам інфарматыкі без выкарыстання камп’ютара.
Надзея ЦЕРАХАВА
Фота прадастаўлены дзіцячым садам № 40 Мазыра
