Казахстан: спецыялісты па распрацоўцы і вывучэнні падручнікаў пройдуць курсы павышэння кваліфікацыі

Спецыялісты па распрацоўцы і вывучэнні падручнікаў пройдуць курсы павышэння кваліфікацыі. Міністэрства адукацыі і навукі Рэспублікі Казахстан сумесна з міжнародным кансорцыумам арганізавала для іх спецыяльныя трэнінгі. Пра гэта паведамляе МІА “Казінфарм” са спасылкай на прэс-службу ведамства.

У перспектыве  гэта дапаможа палепшыць падыход да тэсціравання падручнікаў. На сённяшні дзень падрыхтавана 40 вядучых экспертаў Рэспубліканскага навукова-практычнага цэнтра экспертызы зместу адукацыі.

“Падручнікі павінны адпавядаць патрэбам вучняў і бацькоў. Такім чынам, мы будзем право­дзіць сістэматычную работу, каб мінімізаваць колькасць скаргаў на казахстанскія падручнікі. Падчас трэнінгу казахстанскія і замежныя трэнеры падзеляцца сваім вопытам і падрыхтуюць экспертаў па пытаннях прымянення метадалогіі ацэнкі школьных падручнікаў на практыцы. Курсы праводзяцца ў рамках праекта “Мадэрнізацыя сярэдняй адукацыі” і ў мэтах павышэння прафесійнага патэнцыялу казахстанскіх экспертаў”, — расказала Маншук Мукаметкалі, намеснік дырэктара Рэспубліканскага навукова-практычнага цэнтра адукацыйнай экспертызы Міністэрства адукацыі і навукі.

Матэрыялы курса ахопліваюць абноўленыя патрабаванні да аўтараў, метады і крытэрыі ацэнкі падручнікаў па ўсіх школьных прадметах. Акрамя таго, быў прааналізаваны вопыт іншых краін па вывучэнні электронных падручнікаў.