Курсы рускай мовы ў БНТУ

Беларускі нацыянальны тэхнічны ўніверсітэт запускае анлайн-курсы рускай мовы. Праграмы прызначаны для замежнікаў, якім мова патрэбна для вучобы ці працы.

Як паведамілі ў прэс-службе БНТУ, даво­дзіцца ўлічваць сучасную рэальнасць ва ўмовах пандэміі і шукаць новыя шляхі да спажыўцоў адукацыйных паслуг. Анлайн-курсы рускай мовы — добрая прапанова для тых, хто не можа прыехаць на вучобу непасрэдна ва ўніверсітэт.

У БНТУ распрацавалі для замежнікаў два варыянты навучання: стандарт і інтэнсіў. Вывучаць рускую мову можна з нуля (узровень А1), а таксама прапаноўваецца палеп­шыць якасць мовы (узроўні А2 і В1).

Заняткі пра­­во­дзяць высокаква­ліфікаваныя выкладчыкі са шматгадовым стажам працы як у сябе на радзіме, так і за мяжой. Яны добра валодаюць методыкай выкладання рускай мовы як замежнай і ўмела выкарыстоўва­юць найноўшыя тэхнічныя сродкі навучання.

Перавагай курса з’яўляецца пра­грама, арыентаваная на практыку. Выпускнікі атрымаюць сертыфікаты, што дазволіць ім паступаць у БНТУ без іспы­таў па рускай мове.

Галіна СІДАРОВІЧ.