На базе Мазырскага дзяржаўнага педагагічнага ўніверсітэта імя І.П.Шамякіна адбылося адкрыццё Рэспубліканскай выставы сучаснай візуальнай творчасці студэнтаў.
Перасовачная экспазіцыя “Грані творчасці” прысвечана Году народнага адзінства. Дэвіз выставы сёлета гучыць так: “Захавай маю мову, чарговы наш век, як мелодыю свету, якую я чую!” Выстава праводзіцца ў мэтах актуалізацыі і ўдасканалення сістэмы мастацкаэстэтычнага выхавання студэнцкай моладзі.
У творчым праекце ўзялі ўд зел студэнты 26 устаноў адукацыі Рэспублікі Беларусь. Прадстаўлена больш за 200 творчых работ, у тым ліку і 11 работ студэнтаў Мазырскага ўніверсітэта.
Як паведамілі ва ўстанове адукацыі, на ўрачыстае адкрыццё запрасілі прадстаўнікоў розных факультэтаў, кіраўнікоў структурных падраздзяленняў, а таксама прарэктара па выхаваўчай рабоце Сяр гея Шчура, які выступіў з прывітальным словам. Для прысутных старшы выкладчык кафедры тэхналагічнай адукацыі Вольга Дарафеева правяла экскурсію. У гэты дзень выставу наведалі кіраўнік спраў Гомельскага абласнога выканаўчага камітэта Алена Клічкоўская і старшыня Мазырскага раённага выканаўчага камітэта Алена Паўлечка.
На працягу ўсяго часу на базе выставы будуць праходзіць культурнаасветніцкія мерапрыемствы і акцыі, сустрэчы з прадстаўнікамі грамадскіх арганізацый. Таксама запланаваны мерапрыемствы для замежных студэнтаў установы.
Ірына АСТАШКЕВІЧ.