Прэзідэнт Беларусі Аляксандр Лукашэнка падпісаў пакет дакументаў, якія датычацца развіцця еўразійскай інтэграцыі. Аб гэтым паведамілі ў прэс-службе беларускага лідара.
Ён уключае ў сябе дагавор аб Мытным кодэксе ЕАЭС, нормы якога накіраваны на далейшае паглыбленне інтэграцыйных працэсаў і рост аб’ёмаў гандлю паміж Еўразійскім эканамічным саюзам і сусветнай супольнасцю.
Падпісаныя дакументы таксама датычацца міжнароднай дзейнасці, уключаючы пачатак перагавораў аб свабодным гандлі з Іранам, Індыяй, Сінгапурам, Егіптам. Акрамя таго, гэта пытанні адзінага мытнага рэгулявання ў ЕАЭС, каардынацыі транспартнай палітыкі, лічбавага парадку дня, агульных фінансавага і электраэнергетычнага рынкаў, гандлю паслугамі.
У цэлым прыняцце названага пакета дакументаў дасць магчымасць Рэспубліцы Беларусь сістэмна адстойваць свае падыходы па праблемных пытаннях функцыянавання Еўразійскага эканамічнага саюза.
