Падзяліся сваёй усмешкай

Захаванне і ўмацаванне псіхалагічнага здароўя выхаванцаў ва ўстанове дашкольнай адукацыі з’яўляецца найважнейшай задачай для педагагічнага калектыву. З мэтай стварэння станоўчай атмасферы, спрыяльнага клімату для камфортнага самаадчування дзяцей і дарослых у яслях-садзе № 14 Смаргоні была праведзена псіхалагічная акцыя “Падзяліся ўсмешкай сваёй”.

Псіхалагічная акцыя пачалася з забавы “Клоўн у гасцях у дзяцей”, дзе выхаванцы спявалі, танцавалі, жартавалі, адгадвалі загадкі і гулялі з вясёлым клоўнам Клёпам. Затым дашкольнікі адправіліся ў падарожжа ў краіну Усмешак, але, каб там апынуцца, неабходна было зазірнуць у чароўнае люстэрка і абавязкова ўсміхнуцца.

Загадзя выхаванцам было прапанавана прынесці свой фотаздымак. Галоўнай умовай з’яўлялася наяўнасц­ь на ім усмешкі. Вынікам гэтай ініцыятывы стаў конкурс усмешак па намінацыях “Самая шчырая ўсмешка”, “Самая добрая ўсмешка”, “Самая мілая ўсмешка”, “Самая жыцця­радасная ўсмешка”.

Дзеці не забыліся пра сваіх выхавальнікаў і бацькоў. Яны вырабілі смайлікі, якія дарылі дарослым са словамі: “Мы дорым вам вясёлы смайлік, а вы нам — усмешку”.

Вольга ЦІМОШЧАНКА,
педагог-псіхолаг ясляў-сада № 14 Смаргоні.