Пастаянны савет правёў экстраннае пасяджэнне ў сувязі з інцыдэнтам з расійскім ваенным самалётам

Пастаянны савет Арганізацыі Дагавора аб калектыўнай бяспецы па ініцыятыве расійскага боку правёў у Маскве экстраннае пасяджэнне ў сувязі з інцыдэнтам са збітым турэцкімі ВПС расійскім ваенным самалётам, паведаміў прэс-сакратар АДКБ Уладзімір Зайнятдзінаў.

“У ходзе пасяджэння афіцыйным прадстаўніком Генеральнага штаба Узброеных Сіл Расійскай Федэрацыі была прадстаўлена падрабязная інфармацыя, у тым ліку з прадстаўленнем фота- і відэаматэрыялаў, аб збітым знішчальнікам F-16 Ваенна-паветраных сіл Турэцкай Рэспублікі на тэрыторыі Сірыі расійскім самалёце Су-24”, — адзначыў прэс-сакратар.
Паводле яго слоў, у прадстаўленай расійскім бокам схеме было паказана, што расійскі самалёт Су-24, не парушаючы паветранай прасторы Турцыі, ляцеў на адлегласці 1 км ад турэцкай граніцы і ўпаў за 4 км ад яе, а турэцкі самалёт пасля паражэння ракетай расійскага самалёта схаваўся на тэрыторыі Турцыі. Расійскія лётчыкі катапультаваліся, пры гэтым адзін з іх загінуў пасля катапультавання ад агню з зямлі, другі выратаваны.
“Было адзначана, што гэты інцыдэнт расцэньваецца як найгрубейшае парушэнне норм міжнароднага права з самымі цяжкімі вынікамі, прамое парушэнне мемарандума аб прадухіленні інцыдэнтаў і гарантавання бяспекі палётаў у Сірыйскай Арабскай Рэспубліцы, які заключаны з ЗША і распаўсюджваецца на ўсе краіны кааліцыі, уключаючы Турцыю”, — праінфармаваў Уладзімір Зайнятдзінаў.
Напярэдадні адбылося планавае пасяджэнне Пастаяннага савета АДКБ. На ім было заяўлена, што пры абмене думкамі па пытаннях міжнароднай сітуацыі ў святле падзей у Сірыі і тэрарыстычных актаў у Парыжы бакі, разглядаючы распаўсюджванне тэрарызму як агульны выклік для ўсіх краін і рашуча асуджаючы тэрарызм ва ўсіх яго праявах як пагрозу для міжнароднай бяспекі, выказваліся за неабходнасць кансалідацыі намаганняў усёй сусветнай супольнасці ў сумеснай і эфектыўнай барацьбе з гэтай пагрозай.
“Падкрэсліваючы, што інцыдэнт адбыўся ў той час, калі ўсёй сусветнай супольнасцю прыкладаюцца значныя намаганні, каб вырашыць сірыйскі канфлікт мірным шляхам, удзельнікі пасяджэння акцэнтавалі ўвагу на сур’ёзнасці здарэння і недапушчальнасці паўтарэння такіх інцыдэнтаў”, — дадаў прэс-сакратар АДКБ.