Прэзідэнты дамовіліся аб новай сустрэчы

Прэзідэнт Беларусі Аляксандр Лукашэнка 31 студзеня правёў тэлефонную размову з Прэзідэнтам Расіі Уладзімірам Пуціным. Аб гэтым паведамілі ў прэс-службе беларускага лідара.

Кіраўнікі дзяржаў абмеркавалі стан беларуска-расійскага супрацоўніцтва, узаемадзеянне ў розных сферах, у тым ліку развіццё гандлёва-эканамічных адносін.

Аляксандр Лукашэнка і Уладзімір Пуцін дамовіліся ў найбліжэйшы час правесці сустрэчу, на якой бакі абмяркуюць рэалізацыю дамоўленасцей, дасягнутых на папярэдніх перагаворах у Крамлі ў канцы мінулага года.

Прэзідэнты таксама абмеркавалі ўсе пытанні агульнага характару ў адносінах дзвюх краін. У тым ліку размова ішла аб наданні найбольшай эфектыўнасці дзейнасці сфарміраванай двухбаковай групы.