Чаго больш за ўсё асцерагаюцца выпускнікі, якім неабыякава іх будучыня? Адказ просты: зрабіць няправільны выбар. Адны прыслухоўваюцца да рэкамендацый бацькоў. Другія выбіраюць прафесію зыходзячы з прагматычных меркаванняў. Трэція слухаюць сэрца. Апошні варыянт выбрала і Юлія Лук’янцава, педагог-псіхолаг Буда-Кашалёўскага сацыяльна-педагагічнага цэнтра.
— Мне заўсёды была цікавая прафесія псіхолага, — расказвае малады спецыяліст. — У школе наш педагог-псіхолаг прапанавала мне паўдзельнічаць у алімпіядзе па псіхалогіі на базе Гомельскага дзяржаўнага ўніверсітэта імя Францыска Скарыны. Мне настолькі спадабалася, што ўдзельнічала я ў конкурсе двойчы, а мая цікавасць да псіхалогіі паралельна ўзрастала. І вось настаў 2017 год, я скончыла школу і паступіла ў той самы ўніверсітэт імя Францыска Скарыны.
Падрабязней пра маладога спецыяліста і асаблівасці яе працы чытайце ў матэрыяле Соф’і Цыкуновай у нумары ад 16 верасня 2022 года.