Рашэнне Украіны не ўводзіць спецпошліну на беларускія тавары створыць перадумовы для нарошчвання тавараабароту

Міністэрства замежных спраў Беларусі вітае рашэнне Украіны аб прыпыненні ўвядзення спецпошліны на шэраг беларускіх тавараў, якія экспартуюцца. Аб гэтым заявіў начальнік упраўлення інфармацыі — прэс-сакратар Міністэрства замежных спраў Дзмітрый Мірончык.

“Беларускаму боку вядома аб праведзеным пасяджэнні Міжведамаснай камісіі па міжнародным гандлі Украіны, у ходзе якога прынята рашэнне аб прыпыненні ўвядзення з 20 студзеня 2016 года спецыяльнай пошліны ў памеры 39,2 працэнта на шэраг беларускіх тавараў, якія экспартуюцца ва Украіну (трактары, малочная і рыбная прадукцыя, піва, гарэлка, халадзільнікі і маразільныя камеры, панчошна-шкарпэтачныя вырабы, кафельная плітка і інш.)”, — заявіў прэс-сакратар.
“МЗС Беларусі вітае такое рашэнне і адзначае, што ўкраінскім бокам былі ўспрыняты довады беларускага боку, агучаныя ў ходзе двух раўндаў пасяджэнняў беларуска-ўкраінскай рабочай групы высокага ўзроўню па пытаннях узаемнага гандлю ў кастрычніку і снежні 2015 года ў Кіеве і Мінску, аб тым, што пастанова Савета Міністраў Рэспублікі Беларусь ад 6 жніўня 2015 года адносна санітарна-гігіенічнай экспертызы спажывецкіх тавараў накіравана не на абмежаванне ўзаемнага гандлю, а на абарону здароўя насельніцтва і не наносіць якога-небудзь урону ўкраінскаму боку”, — адзначыў Дзмітрый Мірончык.
“Мяркуем, што адмена Украінай спецыяльнай пошліны адносна беларускай прадукцыі будзе садзейнічаць далейшаму ўстараненню бар’ераў ва ўзаемным гандлі Беларусі і Украіны і створыць перадумовы для нарошчвання тавараабароту паміж нашымі краінамі”, — падкрэсліў ён.
Адначасова беларускі бок прадаўжае адсочваць імплементацыю Пагаднення аб асацыяцыі Украіны з ЕС, каб пазбегнуць негатыўнага ўплыву для эканомікі Беларусі і ўзаемнага гандлю з Украінай, дадаў афіцыйны прадстаўнік беларускага МЗС.