Расія: рэгіянальныя міністры ацэняць аб’ектыўнасць выдачы медалёў у школах

Кіраўнік Федэральнай службы па наглядзе ў сферы адукацыі і навукі Сяргей Краўцоў папрасіў рэгіянальных міністраў адукацыі ацаніць аб’ектыўнасць выдачы медалёў выпускнікам школ, паведаміла прэс-служба ведамства.

На Усерасійскай нарадзе ведамства з рэгіёнамі С.Краўцоў абмеркаваў вынікі кампаніі АДЭ 2017 года і нагадаў рэгіянальным міністрам аб іх асабістай адказнасці за правядзенне Адзінага дзяржаўнага экзамену. “Ён таксама папрасіў рэгіянальных міністраў удзяліць асаблівую ўвагу сітуацыі з медалістамі, ацаніўшы, наколькі аб’ектыўна выпускнікам школ у рэгіёнах выдаюцца медалі “За асаблівыя поспехі ў навучанні”, — гаворыцца ў паведамленні.

Раней грамадскі савет пры Федэральнай службе папрасіў ведамства разгледзець магчымасць уліку вынікаў АДЭ пры выдачы медалёў выпускнікам школ. Пра гэта паведаміла МІА “Расія сёння”.