Расія: стартуюць патрыятычныя конкурсы для студэнтаў і педагогаў

У Расіі стартуе Усерасійскі творчы конкурс курсавых, дыпломных работ, звязаных з гераічным мінулым Расіі, найважнейшымі падзеямі ў жыцці народа, а таксама конкурс педагагічнага майстэрства “Лепшы па прафесіі”.

Абодва конкурсы ініцыіравалі Міністэрства адукацыі і навукі Расійскай Федэрацыі і Аўтаномная некамерцыйная арганізацыя “Цэнтр сучасных адукацыйных тэхналогій”. Да ўдзелу ў першым конкурсе запрашаюцца студэнты — аўтары курсавых і дыпломных работ, звязаных з даследаваннямі гераічнага мінулага Расіі. У цэнтры ўвагі другога конкурсу — метадычныя распрацоўкі патрыятычнай накіраванасці, створаныя маладымі педагогамі.
Як адзначыў кіраўнік праектаў Ігар Карповіч, тэматыка конкурсаў аказалася запатрабаванай у мэтавых групах. Паводле яго слоў, на сённяшні дзень арганізатары ўжо атрымалі значны аб’ём якасных конкурсных работ з Растоўскай, Пскоўскай абласцей, рэспублік Алтай і Марый Эл, Краснадарскага краю.