У анлайн-рэжыме прайшоў агульны сход членаў Гомельскай абласной асацыяцыі школьнага спорту. Старшыня Беларускай асацыяцыі школьнага спорту дырэктар Рэспубліканскага цэнтра фізічнага выхавання і спорту навучэнцаў і студэнтаў Віталь Стрыгельскі прыняў у ім удзел.
Дырэктар Гомельскага абласнога цэнтра фізічнага выхавання і спорту навучэнцаў і студэнтаў Вольга Ярмоленка абрана старшынёй асацыяцыі. На сходзе заслухалі намесніка дырэктара абласнога цэнтра фізвыхавання, намесніка старшыні асацыяцыі Ірыну Лысянкову са справаздачай пра работу асацыяцыі. Зацверджаны палажэнні пра эмблему і членскія ўзносы.
Сваю дзейнасць гомельская асацыяцыя пачала 1 чэрвеня 2020 года. Цяпер у яе ўваходзяць 3/4 устаноў агульнай сярэдняй адукацыі вобласці. Гомельская асацыяцыя знаходзіцца на шляху станаўлення, распрацоўвае дружалюбную палітыку, якая накіравана на развіццё школьнага спорту, прапаганду здаровага ладу жыцця, правядзенне спартыўных спаборніцтваў, заахвочванне таленавітых навучэнцаў, педагогаў і трэнераў, фарміраванне высокіх маральных якасцей і патрыятызму сярод падрастаючага пакалення, супрацоўніцтва і прыцягненне новых арганізацый, выхад на міжнародны ўзровень.
Ірына АСТАШКЕВІЧ.
