Студэнты дапамогуць

Відэаўрокі дапамогі людзям, якія перанеслі COVID-19, стварылі студэнты Гомельскага медуніверсітэта.

З восені мінулага года студэнты-валанцёры дапамагаюць аднаўляцца пацыентам стацыянараў Гомеля і Рэчыцы. Яны адчулі, што ў дапамозе мае патрэбу значна больш людзей. Пры COVD-19 рэабілітацыя падчас і пасля захворвання — важная частка нармалізацыі стану здароўя. Менавіта таму студэнты пачалі запісваць на YouTube відэаўрокі — https://www.youtube.com/channel/UCY_2JQq7ktajmjfYPy-NP3g. Акаўнт добраахвотніцкага руху нагадвае: “Вы не адны”.

Здымкі пачаліся з лёгкай рукі тады яшчэ прарэктара па лячэбнай рабоце Дзмітрыя Рузанава (нядаўна ён стаў ды­рэктарам РНПЦ медтэхналогій).

Прэс-сакратар Гомельскага медуніверсітэта Алена Смірнова ўдакладніла, што зараз зняты два ўрокі — па дыхальнай гімнастыцы і прон-пазіцыі (становішчы цела на жываце для паляпшэння вентыляцыі зон лёгкіх):

— Прадстаўленыя ў роліках практыкаванні паляпшаюць функцыю дыхання, павялічва­юць крова- і лімфазварот у па­шкоджаных долях лёгкіх. Комплекс будзе карысны людзям, якія хварэюць на лёгкую і сярэднецяжкую форму пнеўманіі пры COVID-19 ці аднаўляюцца пасля перанесенага захворвання. Пры рэгулярных занятках павінны зменшыцца задышка і слабасць падчас звычайнай штодзённай нагрузкі.

Каментарыі пад ро­лікамі ўжо ёсць:

“Дзеці, велізарны вам дзякуй за такі карысны відэаўрок! Мне па­ставілі дыягназ ковід, так што ўрок вельмі дарэчы. Упэўнена, што дзякуючы вашай дыхальнай гімнастыцы змагу без наступстваў пера­адолець хваробу”.

“Дзякуй вам, дзеці! Пра прон-пазіцыю кажуць шмат, але як яе правільна выкон­ваць — знайсці ў інтэрнэце няпроста. Вельмі актуальнае відэа”.

Ірына АСТАШКЕВІЧ.