Штомесячны арганізацыйна-практычны дадатак да «Настаўніцкай газеты» «Школа кіравання» выйдзе 14 сакавіка. Ён будзе карысны для адміністрацыі ўстаноў агульнай сярэдняй адукацыі.
Герой дадатку — дырэктар сярэдняй школы № 1 Старых Дарог імя Героя Савецкага Саюза Ф.Ф. Кулікова Святлана Капачэня. У фокусе гутаркі — пункты кіраўніцкага росту і адметнасці развіцця школы сёння.
Дырэктар Дэпартамента кантролю якасці адукацыі Міністэрства адукацыі, кандыдат юрыдычных навук, дацэнт Вольга Рыбаключава тлумачыць навелы Кодэкса аб адукацыі.
Увазе чытачоў — рэпартаж з дыялогавай пляцоўкі з удзелам дырэктараў школ Ліды, дзе абмеркавалі актуальныя пытанні адукацыі.
Пра выкананне правіл бяспекі дзяцей падчас адпачынку расказвае Іна Алейнік, галоўны спецыяліст цэнтра ўзаемадзеяння з грамадскасцю і СМІ МНС Рэспублікі Беларусь падпалкоўнік унутранай службы.
У рубрыцы «Вам адказвае Міністэрства адукацыі» — тлумачэнні па надзённых пытаннях.
Вольга ДУБОЎСКАЯ
Фота Алега ІГНАТОВІЧА
