Украіна: у Хмяльніцкім перастануць вывучаць рускую мову

У школах Хмяльніцкага спыняюць вывучаць рускую мову. Пра гэта, паводле інфармацыі прэс-службы ВА “Свабода”, заявіў мэр Хмяльніцкага “свабодавец” Аляксандр Сімчышын.

“З панядзелка бягучага тыдня ў Хмяльніцкім больш няма ні адной школы і класа, дзе б вывучалася руская мова”, — гаворыцца ў заяве. “Далей мы возьмемся за факультатывы. Прашу разумення і падтрымкі, таму што імгненна выправіць сітуацыю немагчыма”, — адзначыў гарадскі кіраўнік.


Нагадаем, што, згодна з нядаўна прынятымі папраўкамі ў заканадаўства аб адукацыі, з 1 верасня 2020 года навучанне ў школах Украіны будзе праходзіць толькі на нацыянальнай мове. У рамках пераходнага перыяду, з верасня 2018 года, мовы “нацыянальных меншасцей” ва Украіне будуць вывучацца ў спецыяльных класах дзіцячых дашкольных устаноў і малодшых класах школы. Пачынаючы з 5 класа выкладаць дазваляецца выключна па-ўкраінску. Дапускаецца выкладанне некалькіх прадметаў на мовах дзяржаў, якія ўваходзяць у ЕС.

Прынятыя папраўкі ў закон былі жорстка раскрытыкаваны Расіяй і Венгрыяй, адмоўнай была рэакцыя адпаведных еўрапейскіх структур. Падкрэслівалася, што прыняты дакумент супярэчыць не толькі двухбаковым дамоўленасцям і міжнародным абавязацельствам, узятым на сябе Украінай, але і Канстытуцыі краіны.

Пакінуць каментарый

Ваш электронны адрас не будзе апублікаваны. Абавязковыя палі пазначаны *