Універсальнай формулы не існуе

Стварыць універсальную формулу выбарчага працэсу для краін сучаснай Еўропы нерэальна. Такое меркаванне карэспандэнту выказаў палітолаг Юрый Шаўцоў, каменціруючы дзейнасць БДІПЧ АБСЕ па паляпшэнні нацыянальных выбарчых заканадаўстваў.

Цяжкасці ў выкананні гэтай задачы, акрамя адрозненняў у электаральных, рэлігійных традыцыях, ментальнасці народаў, надае складаная сітуацыя ў Еўропе. “Амаль ва ўсіх краінах цяпер у трэндзе еўраскептыкі і ў найбліжэйшы час трэба чакаць узмацнення гэтай тэндэнцыі, — лічыць Юрый Шаўцоў. — Хутка павінны адбыцца выбары ў Германіі і Францыі. Напэўна, у гэтых краінах да ўлады прыйдуць еўраскептычна настроеныя правыя палітыкі”. Праблем, у тым ліку фінансавых, дадасць і чаканы выхад з ЕС Вялікабрытаніі, лічыць эксперт.

Гаворачы аб цяперашніх парламенцкіх выбарах у Беларусі, эксперт адзначыў добразычлівы фон, які прысутнічае ў адносінах паміж беларускімі ўладамі і міжнароднымі арганізацыямі па назіранні за выбарамі.

Такую атмасферу, прадоўжыў палітолаг, важна захаваць: выбары пройдуць, наглядальнікі выкажуць сваё меркаванне, беларускія ўлады ўважліва яго вывучаць.

Пакінуць каментарый

Ваш электронны адрас не будзе апублікаваны. Абавязковыя палі пазначаны *