Пра мэты, праблемы, інавацыі ў адукацыйнай прасторы размаўляем з намеснікам кіраўніка Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні Марынай Ільіной.
— Увесь свет зараз глядзіць на нас, — гаворыць Марына Ільіна. — Як будзе развівацца наша адукацыя, які шлях мы выберам? Краіны-суседкі Беларусі не хаваюць, што зацікаўлены нашым вопытам. А наш сакрэт такі: будаваць новае, але не забывацца пра старое — на моцным фундаменце мы па цаглінцы ўзводзім новы будынак. Развіццё нашай адукацыі ідзе паступова, спакойна. Апошнія падзеі паказалі нам усе балявыя пункты ў сістэме: мы вельмі добра зразумелі, што трэба ўдасканаліць. А менавіта —
выхаванне. Працоўнае, грамадска-патрыятычнае, экалагічнае — кірункаў шмат. Кожнаму настаўніку неабходна памятаць, што дзеці і падлеткі з лёгкасцю засвойваюць любую інфармацыю — таму важна данесці да іх праўду: пра тое, што адбывалася і адбываецца. Расказаць пра горкі вопыт продкаў, выхоўваць на прыкладах Герояў Вялікай Айчыннай вайны, сапраўдных патрыётаў. Нашаму пакаленню яшчэ пашчасціла ўбачыць іх жывымі. Я вучылася ў сярэдняй школе № 31 Віцебска. Наша піянерская дружына насіла імя Веры Харужай. Добра ведалі тых, хто аддаў за нас жыццё, праводзілі тэматычныя злёты, канферэнцыі. Мне вельмі падабаецца выказванне Арыстоцеля: “Калі забываюцца пра вайну — пачынаецца новая”. Вось гэта трэба, перш за ўсё, засвоіць сучаснай моладзі — і тут вялікая роля педагогаў.
Чытайце інтэрв’ю з сенатарам у нумары ад 28 кастрычніка 2022 года.