Вялікабрытанія: малекулы істотна павялічаць ёмістасць флэш-памяці

- 11:32Паралелі, Рознае

Брытанскія і іспанскія навукоўцы з групы, якая працуе ў Школе хіміі Універсітэта Глазга прапанавалі новы матэрыял для вытворчасці флэш-памяці. Дзякуючы гэтаму можна істотна павысіць аб’ёмы інфармацыі і зменшыць памеры носьбітаў. Вынікі даследавання былі апублікаваны ў часопісе Nature.

Аўтары даследавання прапануюць замяніць паўправадніковую структуру, якая прымяняецца ў вытворчасці мікрасхем, на кластары поліоксаметалатаў. Падчас даследаванняў навукоўцам ўжо ўдалося дасягнуць паспяховага ўбудоўвання гэтых кластараў у флэш-памяць.
Сутнасцю эксперымента стала ідэя мадыфікацыі аксіднага пласта паўправадніковай структуры шляхам дадання ў яе нанапамерных поліоксаметалатаў. Поліоксаметалаты — гэта група металааксідных злучэнняў кластарнага тыпу, якія змяшчаюць дзясяткі ці нават сотні атамаў пераходных металаў і кіслароду. Яны часта выступаюць каталізатарам дзякуючы нізкай адчувальнасці да прысутнасці акісляльнікаў.