Выбары прайшлі адкрыта, дэмакратычна

Місія наглядальнікаў Шанхайскай арганізацыі супрацоўніцтва (ШАС) не выявіла ніводнага парушэння нацыянальнага выбарчага заканадаўства пры правядзенні выбараў кіраўніка беларускай дзяржавы. Аб гэтым заявіў кіраўнік місіі наглядальнікаў Шанхайскай арганізацыі супрацоўніцтва (ШАС) на выбарах Прэзідэнта Беларусі генеральны сакратар ШАС Дзмітрый Мезенцаў.

Дзмітрый Мезенцаў адзначыў, што ўпершыню ШАС удзельнічала ў маніторынгу выбараў на тэрыторыі дзяржавы, якая мае ў арганізацыі статус наглядальніка. Ён расказаў, што місія наглядальнікаў пабывала ў Гродзенскай, Гомельскай, Брэсцкай, Мінскай і Магілёўскай абласцях на 59 выбарчых участках. “І для нас было вельмі важна адзначыць, што мы не выявілі ніводнага парушэння нацыянальнага выбарчага заканадаўства”, — сказаў ён.
“І тыя сустрэчы, якія адбыліся са старшынямі ўчастковых выбарчых камісій, членамі камісіі, з выбаршчыкамі, з якімі мы сустракаліся, прадстаўнікамі ў тым ліку апазіцыйных партый і рухаў, паказвалі, што гэта відавочна сёння для ўсіх: выбары прайшлі адкрыта, дэмакратычна. Выбары паказалі, што для грамадзян Беларусі права прагаласаваць за будучага прэзідэнта ўспрымаецца як права ацаніць тое, што было зроблена дзеючай уладай, і пацвердзіць курс на ўстойлівае сацыяльна-эканамічнае развіццё сваёй краіны”, — адзначыў Дзмітрый Мезенцаў.
У склад місіі Шанхайскай арганізацыі супрацоўніцтва ўвайшлі прадстаўнікі дзяржаў — членаў ШАС (Казахстан, Кітай, Кыргызстан, Расія, Таджыкістан), а таксама прадстаўнікі сакратарыята гэтай арганізацыі.