Удасканаленне работы Маладзёжнага парламента абмеркавалі на пасяджэнні Гродзенскага абласнога Савета дэпутатаў.
Маладыя парламентарыі Гродзеншчыны прадставілі вопыт грамадскай дзейнасці, абмяняліся ідэямі з моладдзю іншых рэгіёнаў і намецілі шляхі далейшага супрацоўніцтва.
— Сёння ў краіне створаны добрыя ўмовы для развіцця маладзёжнага парламентарызму, — адзначыла старшыня Гродзенскага абласнога Савета дэпутатаў Алена Пасюта. — На пасяджэнне мы запрасілі прадстаўнікоў Маладзёжнага парламента пры Нацыянальным сходзе Рэспублікі Беларусь, у тым ліку членаў камісіі па рэгіянальнай палітыцы і ўзаемадзеянні з органамі мясцовага самакіравання. Яны і выйшлі з ініцыятывай сустрэцца з маладымі парламентарыямі Гродзеншчыны, каб вызначыць далейшыя стратэгічныя шляхі ўзаемадзеяння і абмеркаваць мерапрыемствы, якія ў найбліжэйшы час будуць рэалізаваны. Кожны мае магчымасць падзяліцца сваім вопытам і прапановамі.
Намеснік старшыні Гродзенскага аблвыканкама Віктар Пранюк падкрэсліў актуальнасць вынесенага на разгляд пытання, назваўшы пераемнасць пакаленняў у Беларусі традыцыяй, якая закладзена нашымі продкамі. У рэгіёне падтрымліваюцца добрыя ініцыятывы моладзі, многія з іх ужо рэалізаваны. Моладзь павінна атрымліваць веды, паспрабаваць рэалізаваць сябе ў рэальных справах, у тым ліку і ў кіраванні дзяржавай. Маладзёжны парламент — гэта магчымасць для моладзі ўбачыць, наколькі органамі ўлады прымаюцца складаныя, лёсавызначальныя рашэнні, як яны могуць паўплываць на жыццё простага чалавека і на краіну ў цэлым.
Чытайце матэрыял Ірыны Анікевіч у нумары ад 13 снежня 2022 года.