ЗША: ноўтбукаў для анлайн-­адукацыі школам не хапае

Паводле даследавання Associated Press, школы ў ЗША сутыкаюцца з недахопам і працяг­лымі затрымкамі (да некалькіх месяцаў) у дастаўцы самых важных школьных прылад — ноўтбукаў і іншага абсталявання, неабходнага для анлайн-навучання.

Тры найбуйнейшыя камп’ютарныя кампаніі свету — Lenovo, HP і Dell — заявілі школьным акругам, што ў іх недахоп амаль 5 мільёнаў ноўтбукаў. У некаторых выпадках становішча пагаршаецца санкцыямі адміністрацыі Трампа ў дачыненні да кітайскіх пастаўшчыкоў. Такая сітуацыя назіраецца як мінімум у 15 штатах, адзначаюць па­стаўшчыкі, камп’ютарныя кампаніі і галіновыя аналітыкі.

Паколькі навучальны год з-за каранавіруса пачынаецца ў многіх месцах у фармаце анлайн, выкладчыкі па ўсёй краіне асцерагаюцца, што недахоп камп’ютараў пагоршыць няроўнасць і стане галаўным болем для вучняў, іх сем’яў і настаўнікаў.

Падрыхтаваў Уладзімір МАТУСЕВІЧ.