У Мінску прайшоў адкрыты агляд-конкурс на лепшага муляра. Пляцоўкай для правядзення спаборніцтваў быў выбраны Мінскі прафесійны ліцэй № 5 транспартнага будаўніцтва.
“Думаючы над тым, дзе правесці конкурс, мы разглядалі некалькі варыянтаў, — падзяліўся намеснік генеральнага дырэктара па агульных пытаннях і ідэалагічнай рабоце “Белбудцэнтр-холдынг” Артур Стрэх. — У Мінскім дзяржаўным прафесійным ліцэі № 5 транспартнага будаўніцтва рыхтуюць не проста спецыялістаў, а сапраўдных прафесіяналаў. Дзякуючы падтрымцы дырэктара ўстановы, агляд-конкурс праводзіўся менавіта ў ліцэі”.
У спісе ўдзельнікаў — 10 прафесійных муляраў, якія прадстаўлялі розныя арганізацыі. Перад пачаткам спаборніцтваў майстар вытворчага навучання ліцэя міжнародны і нацыянальны эксперт па кампетэнцыі “Цагляны мур” Уладзімір Дудараў нагадаў спецыялістам правілы правядзення конкурсу і крытэрыі, па якіх будуць ацэньвацца выкананыя работы.
Чытайце матэрыял Наталлі Сахно ў нумары ад 23 верасня 2022 года.
