Навучэнец Азёрскай сярэдняй школы Гродзенскага раёна Антон Паваланскі — удзельнік змены ў Нацыянальным дзіцячым тэхнапарку і пераможца рэспубліканскага воднага конкурсу даследчых праектаў. Падрабязнасці – у матэрыяле карэспандэнта «Настаўніцкай газеты».
У невялікай сельскай школе вучацца 257 дзяцей, і кожны з іх можа знайсці сабе цікавую справу па-за ўрокамі.
— Школа — гэта не толькі ўрокі і перапынкі, гэта месца, дзе дзеці могуць знайсці сабе справу па душы, — гаворыць дырэктар школы Сяргей Аляксандравіч Есіпок. — Візітнай карткай нашай установы адукацыі з’яўляецца інтэлектуальны рух, які аб’ядноўвае актыўных, мэтанакіраваных, ініцыятыўных навучэнцаў. На працягу 5 гадоў у школе працуе аб’яднанне па інтарэсах “Інтэлектуальныя гульні”. Яго ўдзельнікі — пераможцы раённых і абласных інтэлектуальных турніраў. З апошніх поспехаў — каманда “Азярчаты” стала лепшай сярод 43 каманд па выніках XI абласнога сінхроннага чэмпіянату па інтэлектуальных гульнях малодшых ювеналаў Гродзенскай вобласці. Дадам, што сярэдні бал паспяховасці нашых навучэнцаў — 7,8.
У апошнія гады вучні асвойваюць і робататэхніку. У 2021 годзе ў школе была адкрыта лабараторыя робататэхнікі. На занятках, якія праводзяцца з выкарыстаннем LEGO Mindstorms EV3, дзеці вучацца мадэляваць і праграмаваць робататэхнічныя канструктары.
Чытайце матэрыял Надзеі ВАШКЕЛЕВІЧ у нумары ад 28 сакавіка 2023 года.
