Якія надзённыя тэмы разглядалі на пасяджэнні калегіі галоўнага ўпраўлення па адукацыі Магілёўскага аблвыканкама, даведалася карэспандэнт “Настаўніцкай газеты”.
Асаблівая ўвага была ўдзелена дашкольнай адукацыі. Сёння ў вобласці функцыянуюць 448 устаноў, дзе рэалізуецца адпаведная вучэбная праграма. Забяспечваецца выкананне запытаў грамадства, арыентаванасць на індывідуальнасць дзіцяці. Праводзіцца мэтанакіраванае ўмацаванне матэрыяльнай базы, аснашчэнне сродкамі навучання, гульнявым і надворным абсталяваннем, укараненне перадавых інавацыйных методык і тэхналогій у адукацыйны працэс. Стабільна нізкай застаецца колькасць дзён, прапушчаных дзецьмі па хваробе, што адлюстроўвае дзейнасць па здароўезберажэнні выхаванцаў. Бесперапынна адбываецца павышэнне прафесійнага майстэрства педагогаў. Зараз звыш 63% выхавальнікаў маюць вышэйшую і першую кваліфікацыйную катэгорыю. У цэлым функцыянаванне дашкольных устаноў наладжана добра, але трэба працягваць удасканаленне работы.
Узнагароду атрымлівае метадыст Магілёўскага дзяржаўнага абласнога інстытута развіцця адукацыі Святлана Цімошына
Яшчэ адным акцэнтам пасяджэння сталі прымаемыя меры па прафілактыцы сямейнай нядобранадзейнасці і супрацьпраўных паводзін непаўналетніх. У рэгіёне сфарміравана сістэма ранняга выяўлення неналежнага выхавання дзяцей, абароны іх законных інтарэсаў. Гэта дазволіла стабілізаваць сацыяльнае сіроцтва, павысіць узровень аднаўлення ў бацькоўскіх правах. Такія тэндэнцыі станоўча ўплываюць на дынаміку падлеткавай злачыннасці — назіраецца пэўнае зніжэнне гэтага паказчыка. Але прысутнічаюць і негатыўныя аспекты. У некаторых раёнах прафілактычныя рашэнні носяць фармальны характар. У ходзе дыялогу была адзначана недапушчальнасць такога падыходу. За прафілактычнай работай стаяць дзіцячыя лёсы, таму спецыялісты на месцах не павінны праяўляць абыякавасць. Працаваць варта з упорам на асобу кожнага дзіцяці.
Дэталёва разглядалася таксама падрыхтоўка ўстаноў адукацыі да навучальнага года, выкананне нарматываў дзяржаўных сацыяльных стандартаў.
— Функцыянальныя службовыя абавязкі трэба выконваць своечасова і ў поўным аб’ёме. Важная роля тут у кіраўнікоў. Менавіта кіраўнік павінен быць прыкладам, весці калектыў за сабой, матываваць на работу камандай, арыентаванай на адзіныя мэты. Тады словы ператворацца ў рэальныя вынікі, — падкрэсліла начальнік галоўнага ўпраўлення па адукацыі Магілёўскага аблвыканкама Людміла Здорыкава.
Не абышлося на пасяджэнні калегіі без прыемных момантаў. За плённую працу шэраг педагагічных работнікаў атрымалі заслужаныя ўзнагароды.
Ганна СІНЬКЕВІЧ
Фота аўтара
