Брытанскія дэпутаты падтрымалі прапанову прэм’ер-міністра Тэрэзы Мэй аб выключэнні сцэнарыя выхаду Вялікабрытаніі з Еўрасаюза без пагаднення аб умовах Brexit.
Парламентарыі таксама адобрылі папраўку да заканадаўчай ініцыятывы Тэрэзы Мэй, што перашкаджае рэалізацыі Brexit без здзелкі пры любых абставінах.
14 сакавіка брытанскі парламент падтрымаў прапанову ўрада аб пераносе даты выхаду Злучанага Каралеўства з Еўрасаюза (Brexit) на больш позні тэрмін, паведамляе ТАСС.
У час праведзенага галасавання ў палаце абшчын 412 дэпутатаў выступілі за адтэрміноўку Brexit, 202 — супраць. Такім чынам, цяпер брытанскі ўрад павінен накіраваць запыт ЕС аб так званай тэхнічнай адтэрміноўцы даты Brexit да 30 чэрвеня ў тым выпадку, калі палата абшчын зможа ўхваліць да 20 сакавіка праект пагаднення аб умовах Brexit. Гаворка ідзе пра тыя ж умовы здзелкі, якія парламент ужо двойчы адхіліў.