Любімыя нашы чытачы!
Віншуем вас з надыходзячым Новым годам і Раством Хрыстовым!
Жадаем моцнага здароўя, рэсурсаў для ажыццяўлення цікавых праектаў, рэалізацыі самых амбіцыйных планаў! Школьнае жыццё — насычанае і разнастайнае, таму жадаем, каб кожны дзень прыносіў вам радасць і натхненне! Няхай цікаўныя вочы вашых вучняў гараць прагай да новых ведаў!
Ад усяго сэрца дзякуем за непарыўную сувязь з рэдакцыяй. На працягу ўсяго 2023 года вы дзяліліся з намі сваімі перамогамі і прафесійнымі здабыткамі, адкрыццямі і традыцыямі, гасцінна прымалі падчас камандзіровак і прэс-тураў, натхняючы на цікавыя нарысы, замалёўкі, інтэрв’ю.
Мы ўдзячны вам за прафесійнае ўзаемадзеянне і падтрымку сумесных адукацыйных ініцыятыў і праектаў. Упэўнены, што наладжаныя сувязі стануць асновай для развіцця і рэалізацыі ў 2024 годзе новых ідэй.
Жадаем, каб у гэтыя чароўныя дні здзейсніліся ўсе вашы мары і задумы, каб было цёпла і ўтульна ў коле сям’і і сяброў!
Калектыў Выдавецкага дома “Педагагічная прэса”
