Калі важна эрудзіраваным стаць табе (квест)

Прафесійныя распрацоўшчыкі квестаў сцвярджаюць, што квест (значэнне слова — “пошук чагосьці, які суправаджаецца прыгодамі”) існаваў заўсёды. Першабытны чалавек закопваў забітага звера і пазначаў месца палачкай. Піраты хавалі нарабаваныя скарбы на незаселенай выспе, складалі карту, а потым гэтую карту дзялілі на некалькі частак! Чым не квест? Мы выкарыстоўваем наступнае азначэнне квеста: гульня, якая пачынаецца з легенды­загадкі, што складаецца з набору актыўнасцей рознай накіраванасці (пошукавай, інтэлектуальнай, творчай, рухальнай і г.д.). Не будзем разглядаць камп’ютарныя квесты, у якіх чалавек узаемадзейнічае з праграмай. Мы займаемся найперш жывымі квестамі.