Выдавецкі дом “Педагагічная прэса” праводзіць конкурс на лепшую арганізацыю падпіскі на ўсе свае друкаваныя выданні (“Настаўніцкую газету”, газету “Домой!”, часопісы “Спорт time”, “Народная асвета”) сярод устаноў дашкольнай, агульнай сярэдняй і спецыяльнай адукацыі ў трох намінацыях.
Вельмі прыемна, што конкурс матывуе і натхняе. У нас ёсць пастаянныя ўдзельнікі і фаварыты. Разам з тым мы заўсёды рады, калі ў спісе намінантаў на перамогу з’яўляюцца новенькія, таму шчыра запрашаем далучацца.
А вось пераможцы і фаварыты першага паўгоддзя 2024 года.
Сярод устаноў дашкольнай, агульнай сярэдняй і спецыяльнай адукацыі сярод абласцей і Мінска лідарства размеркавана наступным чынам:
1-е месца — Гомельская вобласць;
2-е месца — Віцебская вобласць;
3-е месца — Гродзенская вобласць.
Сярод гарадскіх устаноў дашкольнай, агульнай сярэдняй і спецыяльнай адукацыі з насельніцтвам больш за 100 000 чалавек лепшымі сталі:
1-е месца — Мазыр Гомельскай вобласці;
2-е месца — Ліда Гродзенскай вобласці;
3-е месца — Орша Віцебскай вобласці.
Сярод раённых устаноў дашкольнай, агульнай сярэдняй і спецыяльнай адукацыі лепшыя вынікі паказалі:
1-е месца — Старадарожскі раён Мінскай вобласці;
2-е месца — Хойніцкі раён Гомельскай вобласці;
3-е месца — Акцябрскі раён Гомельскай вобласці.
Пераможцы конкурсу ў кожнай намінацыі з 1-га па 3-е месца будуць узнагароджаны дыпломамі і атрымаюць каштоўныя падарункі, сярод якіх ноўтбукі, прынтары.
Акрамя таго, па рашэнні камісіі заахвочвальнымі прызамі за волю да перамогі (станоўчую дынаміку ў падпісцы на “Настаўніцкую газету”, газету “Домой!”, часопісы “Спорт time” і “Народная асвета” за першае паўгоддзе 2024 года) будуць узнагароджаны ўстановы адукацыі Брэсцкай вобласці, Баранавіч, Драгічынскі раён, Салігорскі раён Мінскай вобласці, Полацкі раён Віцебскай вобласці.
І па традыцыі вобласць-пераможца будзе прадстаўлена ў газеце асобным дадаткам “Індэкс поспеху”. У сённяшнім нумары вашай увазе прадстаўляем вынікі дзейнасці творчых педагогаў Гомельскай вобласці.
Увогуле, многія не толькі героі такіх публікацый, але і аўтары “Настаўніцкай газеты”, якія ахвотна дзеляцца сваімі думкамі і метадычнымі напрацоўкамі. А калі наша супольнасць будзе расці, то разам мы зможам дасягнуць яшчэ больш высокіх вынікаў. Запрашаем!
Вольга ДУБОЎСКАЯ