Кажуць, добра ўсё ўмець, але не ўсё рабіць. Гэта добра ведаюць юныя бабруйскія турысты, таму з азартам асвойваюць майстэрства не толькі вандровак, але і выжывання ў прыродзе.
Сярод іх праваднікоў па сцежках рабінзонаў — метадыст Цэнтра турызму, краязнаўства і экскурсій дзяцей і моладзі Бабруйска Святлана Максімовіч. Яна 33 гады вучыць дзяцей атрымліваць асалоду не толькі ад падарожжаў па родным краі і ад смаку самастойна згатаванай на вогнішчы кашы, але і ад пераадольвання турыстычных перашкод.
“У простым паходзе элементы школы выжывання мы не закранаем — разлічваем, што дзецям выжываць не прыйдзецца, — асцярожна жартуе Святлана Іванаўна. — А вось старэйшыя дзеці, якія ўжо прайшлі пачатковую турыстычную падрыхтоўку і маюць вопыт удзелу ў катэгарыйных паходах з некалькімі начлегамі, з задавальненнем асвойваюць іх. Таму ў практыку нашых аб’яднанняў па інтарэсах мы ўводзім і “Рабінзанаду”, і “Паходы з элементамі ролевай гульні”, і “Элементы школы выжывання”.
Але, па словах Святлана Іванаўны, перш чым адправіцца “блукаць па тайзе” ці “пераносіць на самаробных насілках раненага сябра праз балота”, трэба асвоіць азы паходнай навукі. Гэта значыць, не ў тэорыі, а на практыцы навучыцца наладжваць свой побыт, ставіць палатку, разводзіць касцёр, прычым у розных умовах, часам нават экстрэмальных.
Чытайце матэрыял Святланы Нікіфаравай у нумары ад 22 лістапада 2022 года.
