Настаўнік хіміі і біялогіі Ляшчанскай сярэдняй школы Шчучынскага раёна Арцём Віктаравіч Даўгоўскі тры гады як прыйшоў у сельскую школу, але паспеў ужо адслужыць у пагранічных войсках і цяпер, акрамя педагагічнай дзейнасці, узяў на сябе ваенна-патрыятычнае выхаванне школьнікаў.
Добра адгукаецца пра маладога спецыяліста дырэктар Ляшчанскай сярэдняй школы Франц Арабчык:
— З першых дзён работы Арцём Даўгоўскі выдатна зарэкамендаваў сябе ў калектыве, прымае актыўны ўдзел у грамадскім жыцці ўстановы адукацыі і раёна. Маладыя спецыялісты нашай школы ўдзельнічаюць у раённым конкурсе “Сваёй прафесіяй ганаруся” і даволі вынікова, усе тры разы займалі прызавыя месцы. У мінулым годзе Арцём заняў 3-е месца. Акрамя выкладання хіміі і біялогіі, Арцём Віктаравіч з’яўляецца кіраўніком па ваенна-патрыятычным выхаванні. Ён адзіны малады спецыяліст, які прадстаўляе раён у Маладзёжным парламенце пры Нацыянальным сходзе Рэспублікі Беларусь.
Арцём Даўгоўскі вырас у Шчучыне, вучыўся ў сярэдняй школе № 2, якую скончыў у 2015 годзе.
Чытайце матрыял Ірыны Анікевіч у нумары ад 22 лістапада 2022 года.
