Адзін з драйвераў росту — ІТ–сектар

На пасяджэнні Савета Міністраў разгледжаны вынікі работы эканомікі за мінулы перыяд 2017 года і чаканыя вынікі года, а таксама ацэнка студзеня 2018 года, паведамілі ў прэс-службе беларускага ўрада.

“Адным з драйвераў эканамічнага росту ў 2018 годзе стане ІТ-сектар. Цяпер праект дэкрэта “Аб развіцці лічбавай эканомікі”, які прадугледжвае ў тым ліку максімальна спрыяльныя ўмовы для развіцця тэхналогій блокчэйн (уключаючы майнінг і абарот крыптавалют), а таксама комплекснае прававое рэгуляванне дзейнасці ў гэтай сферы, узгоднены без заўваг усімі ўпаўнаважанымі дзяржаўнымі органамі Беларусі і ўнесены ва ўстаноўленым парадку на разгляд прэзідэнта”, — растлумачылі ва ўрадзе.

У прэс-службе таксама адзначылі, што ў студзені — кастрычніку 2017 года выкананы 5 з 7 ключавых паказчыкаў эфектыўнасці работы ўрада і Нацыянальнага банка, а таксама параметры, прадугледжаныя асноўнымі напрамкамі грашова-крэдытнай палітыкі.

Забяспечаны рост прамысловай вытворчасці пры зніжэнні запасаў гатовай прадукцыі да сярэднямесячнага аб’ёму вытворчасці і рост рэнтабельнасці продажаў у арганізацыях прамысловасці ў цэлым па краіне, а таксама рэальнай зарплаты.

Выкананы ў поўным аб’ёме абавязацельствы па пагашэнні і абслугоўванні валютнага дзяржаўнага доўгу пры павелічэнні золатавалютных рэзерваў.

Па выніках студзеня — кастрычніка 2017 года ВУП склаўся на ўзроўні 102 працэнты пры прагнозе і мэтавай задачы на 2017 год 101,7 працэнта.

Пакінуць каментарый

Ваш электронны адрас не будзе апублікаваны. Абавязковыя палі пазначаны *