Аб гэтым сёння заявіў старшыня Савета Рэспублікі Міхаіл Мясніковіч, закрываючы трэцюю сесію Савета Рэспублікі.
Савет Рэспублікі ў гэтым годзе паспяхова правёў адказнае міжнароднае мерапрыемства ў фармаце шматбаковага супрацоўніцтва — пасяджэнне Парламенцкай асамблеі Цэнтральна-Еўрапейскай ініцыятывы. Яно адбылося 28 лістапада. Беларусь у 2017 годзе старшынствавала ў гэтай арганізацыі. “Мы вельмі рады, што ўсё прайшло даволі паспяхова. Многія кіраўнікі і члены дэлегацый гаварылі, што па-новаму адкрылі для сябе Беларусь, — адзначыў Міхаіл Мясніковіч. — Гэта, безумоўна, замацоўвае аўтарытэт Беларусі на міжнароднай арэне, стварае добрую аснову для партнёрскіх адносін з Еўрапейскім саюзам”.
“Дзякуючы такім маштабным мерапрыемствам Беларусь паслядоўна і пераканаўча абазначае сябе як краіну, якая забяспечвае стабільнасць і бяспеку ў Еўропе”, — падкрэсліў ён.
Старшыня Савета Рэспублікі звярнуў таксама ўвагу на пашырэнне міжпарламенцкіх сувязей — як па колькасці, так і па маштабах сумесных задач. Паспяхова праведзены сустрэчы ў Мінску парламенцкімі дэлегацыямі Азербайджана, Грузіі, Латвіі, Малдовы, Сербіі і Францыі. На парадку дня акцэнт рабіўся перш за ўсё на далейшым развіцці гандлёва-эканамічнага, інвестыцыйнага і міжпарламенцкага супрацоўніцтва. Дэлегацыя Нацыянальнага сходу Беларусі прыняла ўдзел у мерапрыемствах Міжпарламенцкай асамблеі СНД і Міжпарламенцкага саюза ў Санкт-Пецярбургу. На палях гэтых значных форумаў беларускія парламентарыі правялі больш за 20 двухбаковых сустрэч.
Цяпер прапрацоўваюцца візіты ў Беларусь парламенцкіх дэлегацый Балгарыі, Італіі, Кыргызстана, Малайзіі, Турцыі і Чэхіі, беларускіх парламентарыяў — у Ізраіль, Кітай, Латвію, Пакістан, Польшчу і Сербію. “Да нашай краіны і да работы парламенцкага вымярэння вельмі вялікая цікавасць у замежных парламентарыяў. Гэта абавязвае працаваць больш вынікова”, — падкрэсліў Міхаіл Мясніковіч.
