Беларусь узначаліць Савет па культурным супрацоўніцтве садружнасці

З 2017 года Рэспубліка Беларусь будзе старшынстваваць у Савеце па культурным супрацоўніцтве дзяржаў — удзельніц СНД. Такое рашэнне прынята на пасяджэнні XXXI Савета па культурным супрацоўніцтве дзяржаў — удзельніц СНД, якое адбылося ў Астане, паведамілі ў Міністэрстве культуры Беларусі.

“На працягу трох гадоў, пачынаючы з 2017 года, Рэспубліка Беларусь будзе старшынстваваць у Савеце па культурным супрацоўніцтве дзяржаў — удзельніц СНД. У бягучым годзе старшынствуе Арменія”, — адзначылі ў міністэрстве.

На пасяджэнні абмяркоўваліся пытанні супрацоўніцтва краін СНД у галіне культуры, а таксама дзейнасць Нацыянальнага гісторыка-культурнага музея-запаведніка “Нясвіж” у якасці базавай арганізацыі краін СНД па напрамку “Музейная справа”.

Акрамя таго, быў узнагароджаны граматай Савета па культурным супрацоўніцтве дзяржаў — удзельніц СНД дырэктар Нацыянальнага гістарычнага музея Рэспублікі Беларусь Алег Рыжкоў.

Міністр культуры Беларусі Барыс Святлоў выступіў на пасяджэнні з дакладам. У рабоце Савета па культурным супрацоўніцтве ўдзельнічалі прадстаўнікі Азербайджана, Арменіі, Казахстана, Беларусі, Кыргызстана, Малдовы, Расійскай Федэрацыі, Таджыкістана, Туркменістана, Міжнароднага Дэльфійскага камітэта, Выканаўчага камітэта СНД.

Пакінуць каментарый

Ваш электронны адрас не будзе апублікаваны. Абавязковыя палі пазначаны *