Бяспека павінна быць прыярытэтам

Спецпрадстаўнік АБСЕ ў трохбаковай кантактнай групе Марцін Сайдзік зноў заклікаў бакі канфлікту ва Украіне да забеспячэння бяспекі грамадзянскага насельніцтва.

“Бяспека павінна сапраўды быць прыярытэтам. Відавочна, што гэта прадугледжвае комплексны падыход, у якім сумяшчаюцца і спыненне агню, і адвядзенне цяжкага ўзбраення, і развядзенне сіл і сродкаў, а таксама размініраванне”, — сказаў Марцін Сайдзік.

Рабочая група па пытаннях бяспекі прадоўжыла дыскусію па вызначэнні новых удзельнікаў развядзення сіл і сродкаў і стварэнні зон, свабодных ад цяжкага ўзбраення.

Марцін Сайдзік з задавальненнем паведаміў, што ёсць станоўчае развіццё ў гуманітарнай сферы. Быў прадстаўлены праект рэканструкцыі пешаходнага моста ў станіцы Луганскай. “Гэта азначае, што тэхнічныя перадумовы для пачатку рамонтных работ ужо ёсць. На гэты час патрэбна фармальная згода ўкраінскага боку ў асобных раёнах Луганскай вобласці на ажыццяўленне гэтага важнага праекта”, — сказаў спецпрадстаўнік АБСЕ. Ён заклікаў бакі неадкладна пацвердзіць сваю падтрымку гэтага праекта і забяспечыць патрэбныя ўмовы для яго рэалізацыі.

У эканамічнай сферы таксама ёсць станоўчыя моманты. Водазабеспячэнне ў асобных раёнах Луганскай вобласці было адноўлена дзякуючы плацяжу, праведзенаму ў канцы мая. Ужо ёсць дамоўленасць аб правядзенні наступнага плацяжу.

Удзельнікі рабочай групы па эканамічных пытаннях абмяркоўвалі неабходнасць у найбліжэйшы час правесці рамонтныя работы інфраструктуры ў сістэме водазабеспячэння ў Данецкай вобласці і, адпаведна, забяспечыць бяспеку.

Пакінуць каментарый

Ваш электронны адрас не будзе апублікаваны. Абавязковыя палі пазначаны *