Прынята рашэнне забараніць праз два гады, са студзеня 2019 года, рух па Барселоне аўтамабілям, якія зарэгістраваны больш за 20 гадоў назад. Аб гэтым паведамляе ТАСС са спасылкай на Agencia EFE.
Адзначаецца, што гэтыя меры будуць дзейнічаць у будныя дні. Яны будуць тычыцца легкавых аўто, зарэгістраваных да 1 студзеня 1997 года, а таксама грузавікоў, зарэгістраваных да 1 кастрычніка 1994 года.
Такая забарона будзе распаўсюджвацца і на 40 муніцыпалітэтаў Каталоніі.
Таксама вядома, што забарону пачнуць паступова ўводзіць з 1 снежня 2017 года ў час, калі ў Барселоне будзе высокі ўзровень забруджвання паветра.
