Федэральны ўрад застаўся “без грошай”

Федэральны ўрад ЗША 20 студзеня прыпыніў работу з-за адсутнасці фінансавання, паведамляе ТАСС.

З пятніцы на суботу апоўначы па амерыканскім часе скончыўся тэрмін дзеяння прынятай у канцы снежня 2017 года рэзалюцыі аб часовым фінансаванні федэральных міністэрстваў і ведамстваў. Цяпер яны будуць вымушаны спыніць выкананне шэрага сваіх функцый з-за адсутнасці сродкаў, паколькі паўнацэнны бюджэт на 2018 год не прыняты.

Напярэдадні праект новай рэзалюцыі не змог пераадолець працэдурнае галасаванне і набраць неабходныя 60 галасоў, каб дэбаты па гэтым пытанні спыніліся. Гэта адбылося з-за таго, што рэспубліканцы і дэмакраты не дамовіліся па шэрагу параметраў. Апошнія, у прыватнасці, патрабавалі ўключыць у рэзалюцыю меры па абароне ад дэпартацыі незаконных імігрантаў, якія прыехалі ў Злучаныя Штаты непаўналетнімі.

У гісторыі ЗША з 1977 па 2013 год фінансаванне работы федэральнага ўрада перапынялася ў сувязі з рознагалоссямі паміж адміністрацыяй і Кангрэсам як мінімум 17 разоў. “Без грошай” выканаўчая галіна ўлады тады была розныя прамежкі часу. Самы кароткі з іх быў роўны тром дням. Рэкордна доўгі склаў 21 дзень — паміж 15 снежня 1995 года і 6 студзеня 1996 года.

У такіх выпадках урад ЗША быў вымушаны прыпыняць нармальную работу, многія катэгорыі дзяржслужачых, уключаючы некаторых супрацоўнікаў спецслужбаў і апарату Белага дома, адпраўляліся ў адпачынкі без захавання грашовага забеспячэння. Тым не менш, у адпаведнасці з заканадаўствам ЗША, міністэрствы і ведамствы, якія адказваюць за захаванне нацыянальнай бяспекі, за знешнепалітычную дзейнасць, у такіх сітуацыях прадаўжаюць работу. Аналагічныя патрабаванні выстаўляюцца і да тых дзяржслужачых, дзейнасць якіх накіравана на абарону жыцця і ўласнасці.

Днём 19 студзеня Прэзідэнт ЗША Дональд Трамп абмеркаваў з шэфам Пентагона Джэймсам Мэцісам і членамі Камітэта начальнікаў штабоў Узброеных сіл ЗША падрыхтоўку да магчымага прыпынення фінансавання шэрага відаў дзейнасці федэральнага ўрада ў сувязі з адсутнасцю прынятага Кангрэсам бюджэту або часовай рэзалюцыі.

Пакінуць каментарый

Ваш электронны адрас не будзе апублікаваны. Абавязковыя палі пазначаны *