Навучэнец 10 класа сярэдняй школы № 6 Жодзіна Ілья Дыбаль заваяваў дыплом І ступені ў намінацыі “Даследчыя і пошукавыя работы” конкурсу метадычных распрацовак з міжнародным удзелам “Война во мне не умолкает”, арганізаванага Інстытутам развіцця адукацыі і сацыяльных тэхналогій Курганскай вобласці (Расійская Федэрацыя).
Як паведамілі ў галоўным упраўленні па адукацыі Мінскага аблвыканкама, удзельнікамі конкурсу сталі навучэнцы з Расіі, Беларусі, Казахстана, якія прадставілі больш за 100 работ. Работа Ільі Дыбаля паказала важнасць захавання міру на нашай планеце, сведчыць пра гераічнае мінулае беларускага народа. Таксама 37 метадычных распрацовак паступіла ад педагогаў. У намінацыі “Метадычныя распрацоўкі” дыплом ІІІ ступені атрымала кіраўнік даследчай работы Ільі настаўніца англійскай мовы Святлана Міхайлаўна Каляда за распрацоўку пазакласнага мерапрыемства “Ніколі не забудзем”, якое прысвечана памяці спаленых падчас Вялікай Айчыннай вайны беларускіх вёсак. Дарэчы, Святлана Міхайлаўна з’яўляецца настаўнікам-метадыстам і выхавала цэлую плеяду знаўцаў англійскай мовы, выдатных даследчыкаў і годных грамадзян.
Падрыхтаваў Ігар ГРЭЧКА.
