Прэзідэнцкія стыпендыі таленавітым

- 10:55Інфармацыйная гадзіна, Рознае

Кіраўнік дзяржавы Аляксандр Лукашэнка падпісаў распараджэнне, якім зацверджана рашэнне савета спецыяльнага фонду Прэзідэнта Беларусі па падтрымцы таленавітай моладзі і выдзелена 317 809 рублёў для мэтавага фінансавання стыпендый, прэмій, грантаў і матэрыяльнай дапамогі таленавітай моладзі.

Згодна з рашэннем, 21 прадстаўнік таленавітай моладзі стаў стыпендыятам фонду, а яго дыпламантамі — 19 чалавек. Назначаны 27 заахвочвальных прэмій. Гранд-прэмій фонду з прысуджэннем звання лаўрэата і ўручэннем пасведчання і нагруднага знака лаўрэата ўдастоены пяць чалавек. Матэрыяльную дапамогу атрымаў 41 прадстаўнік моладзі.

Акрамя таго, выдзелены два гранты — Беларускай дзяржаўнай акадэміі музыкі і Мінскаму дзяржаўнаму каледжу мастацтваў на набыццё музычных інструментаў і абсталявання.

Прыняцце распараджэння Прэзідэнта Беларусі з’яўляецца сведчаннем увагі дзяржавы да стварэння ўмоў для пошуку, станаўлення, развіцця і навучання таленавітай моладзі ў мэтах папулярызацыі і пазіцыянавання беларускай культуры як складніка сусветнай культурнай прасторы.