“Ён не шкадуе для нас самага дарагога ў жыцці — свайго часу!”. Так з гордасцю расказваюць вучні пра свайго педагога Мікалая Юр’евіча Курыловіча — уладальніка тытула “Лепшы класны”, настаўніка беларускай мовы і літаратуры 111-й сярэдняй школы Мінска.
— Я працую 15 гадоў і не так даўно прыйшоў да высновы, што настаўнікам трэба нарадзіцца, а затым толькі стаць ім. Ніколі не пашкадаваў, што выбраў гэтую прафесію: ты заўсёды на хвалі сучаснасці, на хвалі адкрыццяў. Я імкнуся да таго, каб кожны з маіх падапечных змог паўдзельнічаць у жыццевырашальным мерапрыемстве. У нас насамрэч шмат розных інтэлектуальных, выхаваўчых конкурсаў. І дзеці, якія да мяне трапляюць, чакаюць, чым іх зацікавіць настаўнік, якія вяршыні таленту адкрые. Напрыклад, Ілья Валынец увесь час праяўляў здольнасці да матэматыкі і фізікі, і ніхто і не думаў, што яго зможа зацікавіць беларуская мова. Папрацаваўшы з ім год, я прапанаваў яму паўдзельнічаць у алімпіядным руху па гэтым прадмеце. І Ілья адразу атрымаў дыплом ІІ ступені на гарадской інтэрнэт-алімпіядзе па роднай мове.
Мая задача, як і ўсяго педагагічнага калектыву школы, — убачыць у кожным вучню адметныя якасці і здольнасці, якія дапамогуць яму выбраць правільны жыццёвы шлях і прафесію.
Класнае кіраўніцтва для мяне — гэта стыль жыцця. Не ўяўляю нават, як можна працаваць у школе і не быць класным кіраўніком.
Чытайце матэрыял Марыны Жданавай у нумары ад 23 снежня 2022 года.
