Усвядоміць сваю праблему і вырашыць яе — такую магчымасць маюць падлеткі з сярэдняй школы № 11 Мазыра дзякуючы сацыяльнаму тэатру “Пераадоленне”. Падрабязнасці – у матэрыяле карэспандэнта «Настаўніцкай газеты».
— Ідэя сацыяльнага тэатра ўзнікла ў нас яшчэ 5 гадоў назад. Ужо тады мы паставілі ў ім свае першыя спектаклі, і гэты праект развіваецца па сённяшні дзень, — расказвае Ганна Шкода, педагог-арганізатар школы. — Праект быў накіраваны ў першую чаргу на дзяцей, якім неабходна была павышаная педагагічная ўвага, каб накіраваць іх энергію ў правільнае рэчышча. Так у нас нарадзілася ідэя спектакля “Мы выбіраем жыццё” на тэму нарказалежнасці і падобных сітуацый у жыцці. Дзеці на рэпетыцыях маглі прымераць на сябе розныя ролі, пражыць іх і зразумець, што ўвасобленыя на сцэне сітуацыі — гэта шлях у нікуды. Прычым мы падключалі да гэтай работы педагогаў-псіхолагаў: падчас рэпетыцый пасля кожнай сцэны з акцёрамі вялося абмеркаванне, педагог-псіхолаг даваў правільную ўстаноўку на жыццё і падкрэсліваў усе негатыўныя бакі прайгранай сітуацыі, каб дзеці маглі ўсвядоміць гэтыя моманты.
Гэта быў выдатны спекталь. Ён палюбіўся і юным акцёрам, і гледачам. Прычым спектакль з задавальненнем глядзелі і падлеткі з іншых школ Мазырскага раёна, якія таксама патрабуюць дадатковай увагі педагогаў. Кожны раз у школьнай зале на 250 месцаў быў аншлаг.
Тэатральную ідэю высока ацаніла і журы фіналу рэспубліканскага конкурсу на лепшую арганізацыю праектаў шостага школьнага дня — аўтарскі калектыў школы атрымаў 2-е месца.
Чытайце матэрыял Святланы НІКІФАРАВАЙ у нумары ад 21 сакавіка 2023 года.
