Аб стварэнні адзінага механізма ўзаемадзеяння ішла размова на пасяджэнні савета рэктараў устаноў вышэйшай адукацыі Гомельшчыны.
Начальнік галоўнага ўпраўлення адукацыі Гомельскага аблвыканкама Руслан Смірноў падвёў вынікі ўладкавання больш як 7,5 тысячы выпускнікоў гэтага года.
61% з іх паступілі ва ўстановы вышэйшай адукацыі. Сярэднюю спецыяльную адукацыю атрымліваюць 18%. Ва ўстановах прафесійна-тэхнічнай адукацыі вучацца 11%.
Тым часам, адзначыў Руслан Іванавіч, у рэгіянальных універсітэтах цяпер вучыцца крыху больш за палову ад колькасці тых, хто паступіў ва ўстановы вышэйшай адукацыі краіны. 4% ад агульнай колькасці выпускнікоў выехалі для працягу навучання за межы Беларусі. Пераможцы заключнага этапу рэспубліканскай алімпіяды ў большасці зрабілі выбар на карысць сталічных універсітэтаў (у Гомельскай вобласці засталіся вучыцца ўсяго 7 чалавек).
Чытайце матэрыял Ірыны Асташкевіч у нумары ад 14 кастрычніка 2022 года.
