Пра дасягненні беларускай навукі і бяспеку ў тэхналагічнай сферы ішла размова на сустрэчы начальніка галоўнага ўпраўлення па адукацыі Гомельскага аблвыканкама Руслана Смірнова з маладзёжным актывам Рэчыцкага раёна.
Актавая зала Рэчыцкага дзяржаўнага тэхнічнага каледжа была напоўнена навучэнцамі не толькі гэтай установы адукацыі, але і мясцовых аграрнага і педагагічнага каледжаў, а таксама ўстаноў агульнай сярэдняй адукацыі раёна.
Прадстаўнікі сістэмы сярэдняй спецыяльнай адукацыі з усёй вобласці грунтоўна падрыхтаваліся і падчас майстар-класаў па інавацыйнай і тэхнічнай творчасці “Ад ідэі да выніку” азнаёмілі прысутных са сваімі дасягненнямі. Напрыклад, навучэнец Гомельскага дзяржаўнага машынабудаўнічага каледжа Мікіта Шаўцоў прадставіў сістэму па зборы дажджавой вады і электронную скарбонку. Выкладчык гэтай жа ўстановы Юрый Ядранцаў прапанаваў скарыстацца інавацыйнай нажаточкай, лазерным гравёрам і шліфавальным станком па дрэве. Дзмітрый Зайцаў з каледжа электронікі і інфармацыйных тэхналогій прадставіў свой праект “Муцынавая ферма” з вялізным смаўжом у галоўнай ролі. Электрычны модуль для зарадкі мабільных прылад прадэманстраваў выкладчык Палескага аграрнага каледжа імя У.Ф.Міцкевіча Аляксандр Лунцэвіч, а навучэнцы Рэчыцкага педагагічнага каледжа пераканалі, як важна маленькім дзецям спасцігаць свет праз тактыльнае ўспрыманне.
Чытайце матэрыял Ірыны Асташкевіч у нумары ад 31 студзеня 2023 года.
